पुणे : तेजल क्रिएशन्स, रिआनडॉटआयओ व आयजे कॅटॅलिस्टसतर्फे पुण्यात ‘मिडास ट्रॉफी’ या इंग्रजी व अन्य परकीय भाषांमधील एकांकिका स्पर्धेचे आयोजन करण्यात आले आहे. ही स्पर्धा येत्या रविवारी,१६ डिसेंबर रोजी भरतनाट्य मंदिर येथे सकाळी नऊ वाजता होणार आहे. यामध्ये जर्मन, इंग्रजी, स्पॅनिश, पोर्तुगीज, फ्रेंच अशा विविध भाषांमधील एकांकिका विद्यार्थी सादर करतील.
‘मिडास ट्रॉफी’ ही मूळ कल्पना ‘तेजल क्रिएशन्स’च्या ललिता मराठे यांची आहे. विद्यार्थी व परकीय भाषांमध्ये रस असलेल्यांसाठी भाषेमधील आपले कौशल्य आणि सांघिक कार्याद्वारे आत्मविश्वास वाढविण्याकरता एक उत्तम व्यासपीठ उपलब्ध करून देण्याच्या उद्देशाने या स्पर्धेचे आयोजन करण्यात येत आहे.
‘मिडास ट्रॉफीचे हे दुसरे वर्ष असून, पहिल्या वर्षी तीन एकांकिकांचा समावेश होता, तर या वर्षी दहा संघ सहभागी होत आहेत’,अशी माहिती रिआनडॉटआयओचे संस्थापक आनंद शिराळकर यांनी दिली.
कार्यक्रमाविषयी
‘मिडास ट्रॉफी’ एकांकिका स्पर्धा
स्थळ : भरत नाट्यमंदिर, पुणे
दिवस व वेळ : रविवार,१६ डिसेंबर, सकाळी नऊ वाजता.
